S’het vorem gegnerische Goal hüfig gfählt an Effiziänz;
Trotzdämm hän mir immerhin die beschti Goaldifferänz…

Vorallem in dr erschte Saisonhälfti hän mir eifach z’viil Pünkt ligge loh;
Und nit wie zur 2.Liga-Premiere mindeschtens jedes Team eimol könne schloh…

Au an Bigpoints gege die vordere Kandidate duets doch ziemlig mangle;
So isch es eifach nur logisch, wenn me kai Platz unter de erschte vier uf sicher ka angle!

Was e regelmässige Trainingsbsuech bedütet, es isch kai Spass;
Wüsse mängi Spieler besser als unseri: Sogar au die vom Samschigs-Jass…

Aber villicht git’s jo gliich no e glains Unihockey-Wunder;
Und sunnscht goht d’Wält wäge dämm au nit under

Mir wärde denn in dr neue Saison sicher nit schmolle;
Sondern denn s’Fäld hoffentlig könne vo „unde“ ufrolle

D’Hoffnig stirbt jo bekanntlig z’letscht drumm dängged an uns am 5.April;
Viilicht kunnt jo doch no alles eso wie’s dr Schorsch eigentlich will…