Gege dr Erscht vo Spreitebach hän mir die beschti Hälfti zaigt überhaupt;
Und em Gegner somit ainigi Närve graubt

Fascht kai Schuss hän si könne uf unser Goal bringe;
Dr Thierry ka drvo e Liedli singe…
Wieso könne mir nit immer eso „Defense-Laischtige“ bringe?

4:0 hän mir zur Pause könne fiere;
und villicht grad drumm hän mir in dr zwaite Hälfti agfange d’Närve verliere…

Die Spreitebacher, s’isch gar kai Lacher, hän plötzllich Goal für Goal gschosse;
Mir sin zerscht gsi ziemlig verdrosse, hän denn aber beschlosse, dass unser Pulver au nonig ganz isch verschosse.

Sogar no zwai Mol in Unterzahl sin mir erfolgriich gsi und mien saage;
Zem Schluss könne mir uns über dä Punggt sicher nit nur beklaage!

Rieche – Spreitebach 6:6 (4:0)

Gege Birrhard hän mir eso wölle wyter mache wie am Afang gege Spreitebach;
Doch mir hän mit drei Gegegoal und somit eme logische 3:0-Rückstand:
grad zerscht emol griegt eins uf’s Dach;
Das isch scho allerhand….

Die Birrharder hän könne wurschtle und „komischi“ Goal schiesse;
Das isch für uns doch alles anderi gsi als zem gniesse…

Erscht in dr effektive Spiilzyt hän mir nomol könne e paar Goal iinehaue;
Das git hoffentlig für die näggschti Partie widdr e Bitz sälbstvertraue.

Aber für mehr als eme 7:8 het’s denn doch nümmi glängg:
Drumm hän mir an däre Rundi (so maint dr Schorsch) mindeschtens zwai Pünggt verschänggt…..

Jetzt mien mir alles dra setzte und gäh;
Dass mir an dr schwierige näggschte Rundi widr mehr Pünggt mit Heim könne näh!