wo mir denn dört ako sin hän mir zerst mol miesse feststelle das beidi vo unserne gegner meh als dopplet so viel sin..vo däm hän mir uns aber nit (oder fast nit)usser ruhe bringe lo.

Unser 1. spiel an däm tag isch gege dr 1.plazierti stawi olte gsi…logisch das mir uns alli mega gfreut hän uf das spiel…mir hän eigentlich sehr guet agfange und hän so öbbe die erste 15 minute ohni gägeträffer hinter uns brocht…bis zu dr pause isch es denn aber 2:0 gstande für unseri gegner…das isch aber immer no sehr guet gsi für uns! nach dr pause hän mir denn durch mehreri grobi fähler die wittere gool becho und zum schluss isch es denn 7:0 gsi…dr sieg vo de andere isch zwar scho verdient,aber s 0 uf unserer sitte wär eigentlich nit nötig gsi…mir hän nämlich immer wieder gueti chance ka…
tja nach däm mega asträngende spiel hän mir uns zerst mol alli miesse in dr cafeteria usruhie.dodrfür hän mir aber nit so lang ziit ka wül mir numme ei spiel pause ka hän…

fürs 2.spiel,gege aarau,hän mir scho meh hoffnige ka,obwohl die andere au viel meh gsi sin!obwohl mir alli no rächt mied gsi sin vom letste match sin mir in däre partie rächt frie in fierig gange…mir hän z.t mega schöni zämespiel gmacht und au mega schöni gools…wo die andere am schluss au no ihre gooli usegno hän hän mr miteme wunderschöne backhandgool unsere sieg,7:4, gsicheret…obwohl sone frächi gegnerin dr lully no het miesse ihri schufle ins gsicht dätsche sin mr denn einigermasse glücklich hei gfahre!!!

das isch e sehr schöne,aber au e asträngende sunntig gsi für uns…obwohl dr daggi die ersti niederlag vo sinere diesjährige trainersaison het miesse feststelle isch är glaub glich zfriede gsi mit unserer leistig… die nächsti rundi isch denn in bade gege 2 hinter uns plazierti gegner…

ufstellig:iris (gool)
felle,léonie,meret,lully,nina
zum schluss no e grosses lob an d iris wo im gool gsi isch und s wirklich mega guet gmacht het(obwohl si eigentlich e fäldspielerin isch)!!!bravo und merci iris!!!