Nachdäm mr alli unser Gepäck in dr Ahänger verlade hän hän mir uns uf e Wäg gmacht zum Huus. Het bi ne baarne bitz länger brucht, aber am Schluss sin alli guet obe akoo.

Am Morge hets immer vor em Zmörgele e kleins ufwärme gä. Äntwäder in dr Halle(wenns grägnet het,was nit so sälte gsi isch) oder dusse.
Me het am Morge meistens 3 verschideni Gruppe gmacht für in dr Halle z trainiere und am Nomittag zwei. Mr sin uf jedefall in däre Wuche sehr viel zum Unihockey spiele ko, aber au zum bitz Kondition zkriege oder das me nochär „richtig ka laufe(Laufschuel)“. Isch rächt witzig gsi.

Trotz däm schlächte Wätter am Afang vo dr Wuche hän mrs sau glatt ka alli zämme, obwohls au mängmol bitz kriselet het zwüsche einzelne.

Mr hän denne die Wuche mit 2 mehr oder weniger schöne Täg abgschlosse(Do+Fr).
Am letzte Obe sin mr wie immer zumene Spielplattz gange und hän dört grilliert und unseri letzte Führwärksache abgloh wo mr am 1. August nit hän könne…

Do no e DANKE an d Leiter wo das organisiert hän isch wirklich e voll glatts Lager gsi.